“Azərbaycan milli komandası ilə yoldaşlıq oyununa çağırılmağıma çox təəccübləndim. Bu hadisə mənim üçün böyük olaydır”. Apasport.az saytının məlumatına görə, bu sözləri Estoniya milli komandasının futbolçusu Karol Mets deyib.

Noyabrın 15-də Azərbaycan yığması ilə Tallinndə keçiriləcək yoldaşlıq görüşünə çağırılan mərkəz müdafiəçisi buna inanmaq da istəməyib: “Əvvəl Azərbaycanla oyuna çağırıldığıma inanmırdım. Fikirləşirdim ki, yəqin səhvən adım heyətə düşüb. Sonradan KİV-də də bunu görəndə artıq inanmağa başladım. Millidə oynamaq şərəfdir. Azərbaycanla oyunda mənim üçün ən vacib olanı şans qazanmaqdır. Sonra isə özümü göstərməyə çalışmalıyam. Lakin millidə rəqabət böyük olduğundan meydana çıxıb-çıxmayacağım sual altındadır”.

Qeyd edək ki, Azərbaycan və Estoniya yığmaları tarixində 8-ci dəfə görüşəcək. Sonuncu belə matç 2002-ci ildə baş tutub.

• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər
• “Çorum”dan səs-küylü transfer – Moukoko Türkiyəyə gəlir
• Platini İnfantinoya qarşı çıxdı – “O, getməlidir”
• Türkiyə millisinin üzvü “Qalatasaray”da – Dəniz Gül İstanbula gəlir