Norveç çempionatına yekun vurulub. Apasport.az saytının məlumatına görə, Skandinaviya təmsilçisinin ən güclüsü son turda müəyyənləşib.

“Hoqesund” üzərində 1:0 hesablı qələbə qazanan “Stromsqodset” 43 ildən sonra ölkə çempionu adını qazanıb. Bununla da onlar 2014/15 mövsümündə Çempionlar Liqasının II təsnifat mərhələsində oynamaq hüququ qazanıblar. Bu komanda Azərbaycan çempionunun həmin mərhələdəki potensial rəqiblərindən biri olub.

Qızıl medal ümidlərini son turda itirən “Rusenborq” 2-ci, “Hoqesund” isə 3-cü olmaqla Avropa Liqasında vəsiqə əldə edib.

Ən maraqlısı isə odur ki, hazırda Avropa Liqasının qrupunda çıxış edən “Tromse” aşağı dəstəyə yuvarlanıb. Son turda “Brann”a 1:4 hesabı ilə uduzan komanda pley-off oynamaq şansını da qaçırıb. Cari mövsüm avrokuboklarda Azərbaycan təmsilçisi “İnter”i mübarizədən kənarlaşdıran “Tromse” 16 komanda arasında 15-ci olmaqla elitadakı yerini itirib.

• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər
• “Çorum”dan səs-küylü transfer – Moukoko Türkiyəyə gəlir
• Platini İnfantinoya qarşı çıxdı – “O, getməlidir”
• Türkiyə millisinin üzvü “Qalatasaray”da – Dəniz Gül İstanbula gəlir