Topaz Premyer liqasının XIII turunun “Qarabağ”la oyununda hesabı açan Bakının AZAL klubunun futbolçusu Viktor İqbekoyi çempionatda 41-ci qolunu vurub. Apasport.az saytının məlumatına görə, bununla da nigeriyalı futbolçu Azərbaycan çempionatları tarixinin ən məhsuldar legionerləri siyahısında 4-cü pilləyə şərik olub.

İndi İqbekoyi milliləşən braziliyalı Leandro Qomeşlə eyni sayda qola imza atıb. Ölkəmizdə oynamış ən məhsuldar afrikalı olan Viktor növbəti qolunu vurmaqla daha bir milliləşən əcnəbi Branimir Subaşiçə də çatacaq.

Ümumiyyətlə isə milliləşənlər də daxil olmaqla cəmi 7 legioner 40 qol səddini aşıb. Onlardan yalnız İqbekoyi karyerasını hələ də çempionatda davam etdirir.

1	Badri Kvaratsxeliya	71
2	Georgi Adamiya	61
3	Branimir Subaşiç	42
4-5	Viktor İqbekoyi	41
	Leandro Qomeş	41
6-7	Fernando Peres	40
	Junivan Suares	40

Nigeriyalı 41 qolundan 19-nu AZAL-ın heyətində vurub. İqbekoyi hal-hazırkı klubunun Premyer Liqada ən çox qol vuran 3-cü oyunçusudur. Bu göstəricidə, o, yalnız Zohair Benouahi ilə Junior Nildodan geri qalır. Ümumiliyyətlə isə klubun heyətində 9 futbolçu 10 və daha çox qola imza atıb.

1	Zohair Benouahi	24
2	Junior Nildo	21
3	Viktor İqbekoyi	19
4	Junivan Suares	17
5	Xaqani Məmmədov	13
6	Anatoli Doroş	12
7-9	Leandro Qomeş	10
	Qvidas Yuska	10
	Tales Şütz	10

• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər
• “Çorum”dan səs-küylü transfer – Moukoko Türkiyəyə gəlir
• Platini İnfantinoya qarşı çıxdı – “O, getməlidir”
• Türkiyə millisinin üzvü “Qalatasaray”da – Dəniz Gül İstanbula gəlir