AFFA İntizam Komitəsi bu gün keçirdiyi iclasında əvəzedici komandaların iştirak etdiyi çempionatdakı pozuntular üçün cəzasını açıqlayıb. Apasport.az saytının məlumatına görə, XIII turunun “Neftçi” – “Bakı” oyunu diqqət mərkəzində olub.

Paytaxt derbisinin 39-cu dəqiqəsində nominal qonaq komandanın futbolçusu Vüqar Mustafayev komanda yoldaşını təhqir etdiyinə görə birbaşa qırmızı vərəqə alıb. Buna görə meydandan kənarlaşdırılan futbolçu 3 oyunluq cəzalanıb, klubu isə 1000 manat cərimə olunub.

Bu qarşılaşmanın 83-cü dəqiqəsində “Neftçi”nin futbolçusu Orxan Bəşirov hakimi təhqir etdiyinə görə isə birbaşa qırmızı vərəqə alıb. O, 4 oyunluq meydana çıxa bilməyəcək. Həmin matçda meydan sahibi olan klub 2000 manat cərimə ilə cəzalandırılıb.

• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər
• “Çorum”dan səs-küylü transfer – Moukoko Türkiyəyə gəlir
• Platini İnfantinoya qarşı çıxdı – “O, getməlidir”