Azərbaycan millisi tarixində 3-cü dəfə noyabrın 15-də meydana çıxacaq. Apasport.az saytının məlumatına görə, Tallinndə Estoniya yığmasının qonağı olacaq komandamız üçün bu tarix əlamətdar hadisə ilə bağlıdır.

Belə ki, millimiz indiyədək 2 dəfə noyabrın 15-də beynəlxalq oyun keçirib. İlk belə görüş 1995-ci ildə Türkiyənin Trabzon şəhərində baş tutub. Avro-1996-nın seçmə mərhələsinin son matçında yığmamız Polşanı qəbul edib. Həmin matçda qeydə alınan 0:0 hesablı heç-heçə isə futbol tariximizə seçmə oyununda qazanılan ilk xal kimi düşüb.

2009-cu il noyabrın 15-də isə komandamız BƏƏ-də keçirilən beynəlxalq turnirdə ilk görüşünə çıxıb. Həmin gün futbolçularımız İraqla qarşılaşıb. Berti Foqtsun yetirmələri Əl-Ayn şəhərindəki qarşılaşmada 0:1 hesabı ilə məğlub olub.

• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər
• “Çorum”dan səs-küylü transfer – Moukoko Türkiyəyə gəlir