Topaz Premyer Liqasında XIII turun rəmzi komandası açıqlanıb. Apasport.az saytının məlumatına görə, “InStat Football” şirkətinin Peşəkar Futbol Liqasına təqdim etdiyi göstəricilərə əsasən ötən turun ən yaxşıları müəyyənləşib.

Turun rəmzi yığmasında “Neftçi”nin daha çox - 5 futbolçusu yer alıb. “Bakı” usə 3 legioneri ilə siyahıya düşüb.

Qapıçı – Giorgi Lomaya (İnter)

Müdafiəçilər: Bruno Bertuççi (Neftçi), Alvarez Abrante (Bakı), Denis Silva (Neftçi), Maksim Medvedev (Qarabağ)

Yarımmüdafiəçilər: Mbilla Etame (Xəzər Lənkəran), Lukas Mario Horvat (Bakı), Rəşad Sadiqov (Neftçi), Araz Abdullayev (Neftçi)

Hücumçular: Cavid İmamverdiyev (Neftçi), Viktor İqbekoyi (AZAL)

Bədavi Hüseynov (Qarabağ) ən çox dəqiq ötürmə verən, Pərdis Fərcad-Azad (Sumqayıt) isə qapıya ən çox dəqiq zərbə endirən futbolçudur. Hava mübarizələrində Junior Nildo (Xəzər Lənkəran), rəqibdən top almaqda isə Şəhriyar Rəhimov (AZAL) hamıdan uğurlu olub. Nikola Valentiç (Qəbələ) 12 dəfə rəqib ötürmələrinin qarşısını kəsməklə fərqlənib.

Ən çox qayda pozuntusuna yol verən Pərdis Fərcad-Azad (Sumqayıt), ən çox qayda pozuntusuna məruz qalan isə Rəşad Sadiqov (Neftçi) və Junior Nildodur (Xəzər Lənkəran).

Topaz Premyer Liqasının XIII turunun ən yaxşı oyunçusu isə “İnter”in gürcüstanlı qapıçısı Giorgi Lomaya olub. Bunadək cari mövsümdə iki dəfə qapıçı Topaz Premyer Liqasında turun ən yaxşı oyunçusu seçilmişdi. XI turda “Simurq”un qapıçısı Pavel Kapsa, VI turda isə “Qəbələ”nin qolkiperi Dieqo Kosta turun ən yaxşı futbolçusu seçilib.

Mənbə: pfl.az

• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər
• “Çorum”dan səs-küylü transfer – Moukoko Türkiyəyə gəlir