Veteranlardan ibarət Azərbaycan və Özbəkistan komandaları arasında yoldaşlıq oyunu keçiriləcək. Apasport.az AFFA-nın saytına istinadən xəbər verir ki, bu gün hər iki ölkənin futbol veteranları Fəxri Xiyabanda mərhum prezidentimiz Heydər Əliyevin və görkəmli oftalmoloq Zərifə Əliyevanın məzarını ziyarət edib, abidələrinin önünə əklil və gül dəstələri qoyublar.

Futbol veteranları Şəhidlər Xiyabanına gedərək ölkəmizin azadlığı və ərazi bütövlüyü uğrunda canlarını fəda etmiş vətən oğullarının ruhuna öz ehtiramlarını bildiriblər. Sonra II Fəxri Xiyabana gedən veteranlar ölkə futbolunun ən istedadlı nümayəndələrindən olan Anatoli Banişevskinin məzarını ziyarət ediblər.

Qeyd edək ki, sabah “Bayıl Arena”da keçiriləcək qarşılaşma saat 17:30-da başlayacaq. Tərəflərin aprelin 27-də Daşkənddə keçirilən ilk görüşü sülhlə - 4:4 hesabı ilə başa çatmışdı.

• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər
• “Çorum”dan səs-küylü transfer – Moukoko Türkiyəyə gəlir