“Qələbə bizim komanda üçün çox vacib idi. Seçmə mərhələnin hazırkı məqamında yaxşı oynamaqla öz səviyyəmizi nümayiş etdirdik. Bizim oyun qonaqlara Norveç üzərində səfər qələbəsi zamanı qeydə alınmış futbolu göstərməyə imkan vermədi”. Apasport.az saytının məlumatına görə, bunu Makedoniya U-21-inin baş məşqçisi Boban Babunski deyib.

Babunski noyabrın 15-də millimiz üzərində qazandıqları qələbə (1:0) haqqında danışıb. Makedoniyalı mütəxəssis qələbəyə görə bütün yetirmələrini təbrik edib: “Azərbaycanlılar Avropa çempionatının seçmə mərhələsində bizdən 2 oyun artıq keçirib. Buna baxmayaraq, meydanda görəcəyimiz iş bizə planlaşdırdığımız nailiyyəti qazanmağa imkan verir. Gənc oyunçularımız 3 xalı qazanmaq üçün təzyiq altında idi. Bu hamımıza ağır bir yük idi. Ancaq sonda biz qələbə qazandıq. Zəfərin hissəsi olan hamını təbrik etməliyəm”.

Qeyd edək ki, Makedoniya yığmamızı məğlub etməklə xalını 4-ə çatdırıb. Hazırda slavyanlar millimizlə 3-cü sıranı paylaşır.

• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər
• “Çorum”dan səs-küylü transfer – Moukoko Türkiyəyə gəlir