“Kriştianu Ronaldo inanılmaz futbolçudur”. Apasport.az saytının məlumatına görə, bu sözlər “Xəzər Lənkəran” klubunun futbolçusu Alvaro Silvaya məxsusdur.

İspaniyalı müdafiəçi DÇ-2014-ün pley-off mərhələsinin qəhrəmanı Kriştianu Ronaldo haqda yüksək fikirdədir.

İsveç – Portuqaliya görüşündə (2:3) het-trik edən ulduz futbolçunu tərifləyən Alvaro İspaniya “Real”ının şərəfini qoruyan portuqaliyalını Lionel Messidən də üstün sayır: “Ronaldo meydanda canını qoyub, böyük iş gördü. Bununla, Portuqaliya yığmasını Braziliyadakı dünya çempionatına daşıdı. Onu Messidən fitri istedad olması və üstəlik, anadangəlmə əla fiziki göstəriciləri fərqləndirir”.

Qeyd edək ki, Ronaldo komandasının evdə qazandığı 1:0 hesablı qələbəsinə də qolla töhfə vermişdi.

• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər
• “Çorum”dan səs-küylü transfer – Moukoko Türkiyəyə gəlir