Qadın voleybolçular arasında Rusiya kubokunun final mərhələsinin keçiriləcəyi məkan müəyyənləşib. Apasport.az saytının məlumatına görə, 6 komandanın qatılacağı həlledici mərhələ Krasnodarda baş tutacaq.

Azərbaycan milli komandasının hücumçusu Ntalya Məmmədovanın şərəfini qoruduğu “Omiçka” da 2014-cü il yanvarın 27-31-də keçiriləcək finala qatılacaq. Bu komanda ilə yanaşı Moskva və Kazan “Dinamo”su, “Uraloçka-NTMK” ilkin mərhələdə qrup qalibi olmaqla finala çıxıb. “Zareçye-Odintsovo” və Krasnodar “Dinamo”su isə Ümumrusiya Voleybol Federasiyasının qərarı ilə yarışda çıxış edəcək. Artıq yarışın püşkü də atılıb. Natalyanın komandası Moskva və Krasnodar təmsilçiləri ilə eyni qrupda oynayacaq.

Qeyd edək ki, həm “Omiçka”, həm də Moskva “Dinamo”su Çempionlar Liqasında Azərbaycan təmsilçilərinin rəqiblərindəndir.

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər