Peşəkar Futbolçuların Beynəlxalq Federasiyası (FİFPro) və FİFA ilin ən yaxşı 11 oyunçusundan ibarət rəmzi yığmaya namizəd müdafiəçilərin siyahısını açıqlayıb. Apasport.az saytının məlumatına görə, planetin ən yaxşı 4 arxa xətt oyunçusu adını qazanmağa 20 namizəd var.

Siyahıda “Real” və “Bavariya”nın daha çox – hərəyə 4 müdafiəçisi yer alıb. “Çelsi” və “Barselona” isə “20-lik”də hərəyə 3 futbolçu ilə təmsil olunub: David Alaba (Avstriya, “Bavariya”); Xordi Alba (İspaniya, “Barselona”); Dani Alves (Braziliya, “Barselona”); Leyton Baynes (İngiltərə, “Everton”); Jerom Boatenq (Almaniya, “Bavariya”); Eşli Koul (İngiltərə, “Çelsi”); Dante (Braziliya, “Bavariya”); Mats Hummels (Almaniya, “Borussiya” D); Branislav İvanoviç (Serbiya, “Çelsi”); Filipp Lam (Almaniya, “Bavariya”); David Luiz (Braziliya, “Çelsi”); Vinsent Kompani (Belçika, “Mançester Siti”); Marselo(Braziliya, “Real”); Pepe (Portuqaliya, “Real”); Xerard Pike (İspaniya, “Barselona”); Serxio Ramos (İspaniya, “Real”); Tiaqo Silva (Braziliya, PSJ); Rafaël Varan (Fransa, “Real”); Nemanya Vidiç (Serbiya, “Mançester Yunayted”); Pablo Zabaleta (Argentina, “Mançester Siti”).

Qeyd edək ki, rəmzi yığmadakı 11 yerə ümumilikdə 55 namizədin adı açıqlanacaq. 15 yarımmüdafiəçi və 15 hücumçunun adlarını hələ müəyyənləşdirməyən FİFA ilə FİFPro bir müddət əvvəl 5 qapıçının da adına aydınlıq gətirmişdi. Burada Canluici Buffon (İtaliya, “Yuventus”), İker Kasilyas (İspaniya, “Real”), Petr Çex (Çexiya, “Çelsi”), Manuel Noyer (Almaniya, “Bavariya”) və Viktor Valdes (İspaniya, “Barselona”) yer alıblar.

• Deniz Güllə razılıq əldə olundu - RƏSMİ
• “Real” Kamavinqa üçün qiymət qoydu – 70 milyon avro
• Talişka “Fənərbaxça”dan ayrılır – “Onu alqışlarla yola salacağıq”
• Ritsu Doan Səudiyyə Ərəbistanına getmədi – 17 milyon avroluq transfer son anda baş tutmadı
• Günün canlı yayımlanacaq matçları - TV AFİŞA