Ölkəmizdə qadın futbolunun inkişafı, qızlar arasında bu idman növünün təbliğatının gücləndirilməsi və kütləviliyin artırılması məqsədilə AFFA UNICEF Azerbaijan-la birgə yeni layihəyə start verir. Apasport.az saytının məlumatına görə, dekabrın 21-də, saat 9:30-da, Bayıl stadionunda qızlar arasında 3 yaş qrupu üzrə “3x3 Qızlar turniri” keçiriləcək.

Turnirin qaydalarına görə, hər komandanın iştirak ərizəsində 5 nəfərin adı qeyd olunmalıdır. Oyun zamanı hər komandanın heyətində meydana 3 nəfər çıxır. Onlardan biri indiyədək hər hansı komandanın heyətində çıxış etməyən, adı AFFA-nın Qeydiyyat bazasında olmayan oyunçu olmalıdır.

Qeyd edək ki, turnirdə iştirak etmək istəyənlər AFFA-nın rəsmi saytında olan “Qeydiyyat Blankı”nı doldurub dekabrın 16-dək [email protected] elektron ünvanına göndərməlidirlər.

Mənbə: affa.az

• Deniz Güllə razılıq əldə olundu - RƏSMİ
• “Real” Kamavinqa üçün qiymət qoydu – 70 milyon avro
• Talişka “Fənərbaxça”dan ayrılır – “Onu alqışlarla yola salacağıq”
• Ritsu Doan Səudiyyə Ərəbistanına getmədi – 17 milyon avroluq transfer son anda baş tutmadı
• Günün canlı yayımlanacaq matçları - TV AFİŞA