Azərbaycan yığmasının milliləşdirilən futbolçusu Branimir Subaşiçin formasını geyindiyi “Orduspor”un XVI turun “Samsunspor”la oyununu Türkiyənin ən məşhur hakimi idarə edəcək. Apasport.az saytının məlumatına görə, qarşılaşma I dəstə çərçivəsində baş tutmasına baxmayaraq, FİFA referisi Cüneyt Çakıra tapşırılıb.

Bu da səbəbsiz deyil. Çakır Superliqanın hesabat turunda “Fənərbaxça” ilə “Beşiktaş” arasında baş tutan İstanbul derbisində (3:3) yaxşı idarəçiliyi ilə yadda qalmamışdı. Həmin qarşılaşmada 2 qırmızı, 6 sarı vərəqə göstərən Çakırın Türkiyə Futbol Federasiyası tərəfindən 1 oyunluq cəzalandırıldığı gözlənilir.

Çakırın idarə etdiyi əvvəlki 7 oyunda “Orduspor” cəmi 1 dəfə qələbə qazana bilib. Bu da yeganə ev matçı olan “Əskişəhərspor”la görüşdür (3:0). Digər 3 matçda isə heç-heçə edən Ordu klubu 3 oyunda məğlub olub.

Qeyd edək ki, “Samsunspor” – “Orduspor” matçı sabah Bakı vaxtı ilə saat 21:00-da başlayacaq. Qarşılaşma “Samsun 19 Mayıs” stadionunda keçiriləcək.

• "Qalatasaray" Kamavinqaya elçi düşdü: 35 MİLYON AVRO
• Deniz Güllə razılıq əldə olundu - RƏSMİ
• “Real” Kamavinqa üçün qiymət qoydu – 70 milyon avro
• Talişka “Fənərbaxça”dan ayrılır – “Onu alqışlarla yola salacağıq”
• Ritsu Doan Səudiyyə Ərəbistanına getmədi – 17 milyon avroluq transfer son anda baş tutmadı