Azərbaycan yığmasının üzvü Nizami Hacıyevin “Poqon” klubuna keçməsində problem yaranıb. Apasport.az saytı Polşa mətbuatına istinadən xəbər verir ki, Şetsin təmsilçisinin məşqçiləri həmyerlimizin əvəzinə başqa futbolçu sınayırlar. Həmkarlarımız bunu ötən həftə baxışda olan Hacıyevin özünü doğrulda bilməməyi ilə izah edirlər.

Elə bu üzdən də komanda rəhbərliyi gücləndirmək istədiyi yarımmüdafiə xəttinə yaponiyalı Minori Satonu dəvət edib. Lakin Belarusun “Dinamo” (Brest) klubundan gələn asiyalı da baxışdadır. 22 yaşlı Minori Nizamidən yaxşı olduğunu sübut etsə, həmyerlimizin transferi arxa plana keçəcək. Əks halda, ötən qışda da “Poqon”un düşərgəsinə yollanan Nizaminin legioner həyatı yaşaması istisna deyil.

Qeyd edək ki, Polşa çempionatının arxada qalan 19 turundan sonra 5-ci olan “Poqon” avrokuboklara vəsiqə uğrunda mübarizə aparır.

• "Qalatasaray" Kamavinqaya elçi düşdü: 35 MİLYON AVRO
• Deniz Güllə razılıq əldə olundu - RƏSMİ
• “Real” Kamavinqa üçün qiymət qoydu – 70 milyon avro
• Talişka “Fənərbaxça”dan ayrılır – “Onu alqışlarla yola salacağıq”
• Ritsu Doan Səudiyyə Ərəbistanına getmədi – 17 milyon avroluq transfer son anda baş tutmadı