Türkiyə çempionatının I liqasında XV turun oyunları keçirilir. Apasport.az saytının məlumatına görə, qonşu ölkədə çıxış edən Azərbaycanın 5 futbolçusunun şərəfini qoruduğu komandalar da növbəti matçlarına çıxıb.

Millimizin sabiq legioneri Branimir Subaşiçin start heyətində yer aldığı “Orduspor” səfərdə “Samsunspor”un qonağı olub. Serbiyalımızın 77 dəqiqə meydanda olduğu qarşılaşmada qonaqlar 1:0 hesabı ilə qalib gəlib. 10-cu qələbəsini qazanan Ordu təmsilçisi 32 xalla turnir cədvəlinə başçılıq edən 3 komandadan biridir. Əlavə göstəricilərə görə Branimirin komandası 3-cüdür.

Saşa Yunisoğlunun formasını geydiyi “Dənzilispor” öz meydanında biabırçılıqla üzləşib. Onun komandası Davud Kəriminin heyətində yer aldığı “Fəthiyyəspor”a məğlub olub – 1:5. Saşa 90 dəqiqə meydanda olubsa. Davuda yenə “18-lik”də yer tapılmayıb. Bu qələbədən sonra Kəriminin komandası xal hesabını 9-a çatdıraraq sonuncu pilləni tərk edib. Hazırda onlar 19 komanda arasında 17-ci, Dənizli təmsilçisi isə 18 xalla 12-cidir.

Usim Nduka və Andrey Popoviçin şərəfini qoruduğu “Tavşanlı Linyitspor” “Adana Dəmirspor”a 0:3 hesabı ilə uduzub. Popoviçin “18-liy”ə düşmədiyi matçda Usim ehtiyatda qalıb. Hesabında 9 xal olan Tavşanlı təmsilçisi 18-ci pillədə qərarlaşıb.

• Qabriel Jezus “Barselona”da – 2029-cu ilədək müqavilə
• "Qalatasaray" Kamavinqaya elçi düşdü: 35 MİLYON AVRO
• Deniz Güllə razılıq əldə olundu - RƏSMİ
• “Real” Kamavinqa üçün qiymət qoydu – 70 milyon avro
• Talişka “Fənərbaxça”dan ayrılır – “Onu alqışlarla yola salacağıq”