Bu həftə UEFA Çempionlar Liqasının qrup mərhələsinə yekun vurulacaq. Apasport.az saytının məlumatına görə, VI turun oyunları ilə sabah A, B, C və D, ertəsi gün E, F, G, H qruplarında mübarizə başa çatacaq. Son tur növbəti mərhələyə 8, Avropa Liqasının 1/16 finalına 8 vəsiqənin sahibinin kimliyinə aydınlıq gətirəcək.

Turun ilk günündə daha çox maraq doğuran oyunlar B qrupunda olacaq. Türkiyə təmsilçisi “Qalatasaray” da daxil olmaqla, 3 komanda 1/8 finala 1 vəsiqə və Avropa Liqasına yüksəlmək üçün mübarizə aparır. Artıq mərhələ adlayan “Real”la görüşəcək “Kopenhagen”, həmçinin İstanbul təmsilçisinin qonağı olacaq “Yuventus”un mübarizəsində çıxışını başa buran 1 komanda da müəyyənləşəcək.

A və C qruplarında isə Çempionlar liqasında mübarizəni davam etdirəcək 2-ci komanda ilə digər yarışa gedəcək iştirakçının adı müəyyənləşməlidir. Hər 2 qrupda bu yerlərə 2 namizəd var. A qrupunda “Bayer”lə “Şaxtyor”, C qrupunda isə “Benfika” ilə “Olimpiakos” qiyabi mübarizə aparacaq. D qrupunda isə yalnız Avropa Liqasına vəsiqənin sahibi müəyyənləşməlidir. Buna MOİK-lə “Viktoriya”nın öz aralarındakı qarşılaşma aydınlıq gətirəcək.

Qrup mərhələsinin son günündə isə daha çox diqqət F qrupunun oyunlarına yönələcək. Burada 1/8 finala 2 vəsiqəyə 3 iddiaçı qalıb. “Arsenal”ı qəbul edəcək “Napoli” və autsayder “Marsel”in qonağı olacaq “Borussiya” mübarizəni son dəqiqəyədək davam etdirəcək.

Digər 3 qrupda isə sonuncu yerin sahibi və mərhələ adlayan 1 komanda müəyyənləşib. Bu isə o deməkdir ki, son matçlarda 2 komanda 1 vəsiqə üçün “döyüşəcək”. E qrupunda “Bazel”lə “Şalke”, H qrupunda isə “Milan”la “Ayaks” əyani dueldə mübarizəni 2 turnirdən hansına gedəcəklərinə aydınlıq gətirəcək. G qrupunda isə “Porto” ilə “Zenit” qiyabi mübarizədə kimin güclü olduğunu müəyyənləşdirməlidir.

Çempionlar Liqası
VI tur
10 noyabr
A qrupu
23:45. "Real Sosyedad" (İspaniya) - "Bayer" (Almaniya)
23:45. "Mançester Yunayted" (İngiltərə) - "Şaxtyor" (Ukrayna)

1	Mançester Y	5	3	2	0	11-3	11
2	Şaxtyor	5	2	2	1	7-5	8
3	Bayer	5	2	1	2	8-10	7
4	Real Sosyedad	5	0	1	4	1-9	1

B qrupu
23:45. “Qalatasaray” (Türkiyə) - “Yuventus” (İtaliya)
23:45. “Kopenhagen” (Danimarka) - “Real” (İspaniya)

1	Real M	5	4	1	0	18-5	13
2	Yuventus	5	1	3	1	9-8	6
3	Qalatasaray	5	1	1	3	7-14	4
4	Kopenhagen	5	1	1	3	4-11	4

C qrupu
23:45. “Benfika” (Portuqaliya) - PSJ (Fransa)
23:45. “Olimpiakos” (Yunanıstan) - “Anderlext” (Belçika)

1	PSJ	5	4	1	0	15-3	13
2	Olimpiakos	5	2	1	2	7-7	7
3	Benfika	5	2	1	2	6-7	7
4	Anderlext	5	0	1	4	3-14	1

D qrupu
23:45. “Bavariya” (Almaniya) - “Mançester Siti” (İngiltərə)
23:45. "Viktoriya" (Çexiya) - MOİK (Rusiya)

1	Bavariya	5	5	0	0	15-2	15
2	Mançester Siti	5	4	0	1	15-8	12
3	MOİK	5	1	0	4	7-15	3
4	Viktoriya	5	0	0	5	4-16	0

11 dekabr
E qrupu
23:45, “Çelsi” (İngiltərə) - “Styaua” (Rumıniya)
23:45. “Şalke” (Almaniya) - “Bazel” (İsveçrə)

1	Çelsi	5	3	0	2	11-3	9
2	Bazel	5	2	2	1	5-4	8
3	Şalke	5	2	1	2	4-6	7
4	Styaua	5	0	3	2	2-9	3

F qrupu
23:45. “Napoli” (İtaliya) - “Arsenal” (İngiltərə)
23:45. “Marsel” (Fransa) - “Borussiya” (Dortmund, Almaniya)

1	Arsenal	5	4	0	1	8-3	12
2	Borussiya	5	3	0	2	9-5	9
3	Napoli	5	3	0	2	8-9	9
4	Marsel	5	0	0	5	4-12	0

G qrupu
23:45. "Austriya" (Avstriya) - "Zenit" (Rusiya)
23:45. "Atletiko" (İspaniya) - "Porto" (Portuqaliya)

1	Atletiko	5	4	1	0	13-3	13
2	Zenit	5	1	3	1	4-5	6
3	Porto	5	1	2	2	4-5	5
4	Austriya	5	0	2	3	1-9	2

H qrupu
23:45. “Milan” (İtaliya) - “Ayaks” (Hollandiya)
23:45. “Barselona” (İspaniya) - “Seltik” (Şotlandiya)

1	Barselona	5	3	1	1	10-4	10
2	Milan	5	2	2	1	8-5	8
3	Ayaks	5	2	1	2	5-8	7
4	Seltik	5	1	0	4	2-8	3

• Qabriel Jezus “Barselona”da – 2029-cu ilədək müqavilə
• "Qalatasaray" Kamavinqaya elçi düşdü: 35 MİLYON AVRO
• Deniz Güllə razılıq əldə olundu - RƏSMİ
• “Real” Kamavinqa üçün qiymət qoydu – 70 milyon avro
• Talişka “Fənərbaxça”dan ayrılır – “Onu alqışlarla yola salacağıq”