İspaniyanın “Real” klubunun yarımmüdafiəçisi Toni Kroos rekorda bir addım da yaxınlaşıb.

Apasport.az saytının məlumatına görə, almaniyalı yarımmüdafiəçi “kral klubu”nun heyətində 200-cü matçını keçirib.

Bu, La Liqanın XV turunda “Qranada” ilə matça təsadüf edib. Qarşılaşmanı əvəz edilmədən keçirən 30 yaşlı orta sahə oyunçusu madridlilərin heyətində 200 oyun səddinə çatan ikinci almaniyalı olub. Bu baxımdan rekord Uli Ştilikeyə məxsusdur. Onun aktivində 212 oyun olduğundan, Kroos rekordu ələ keçirmək üçün “Real”ın heyətində daha 13 matçda iştirak etməlidir.

Qeyd edək ki, “Qranada” üzərində 2:0 hesablı qələbə qazanan “Real” hazırda 32 xalla turnir cədvəlinin 2-ci pilləsində qərarlaşıb.

• “Arsenal”dan “Əl-Hilal”a - KLUB TARİXİNİN ƏN BAHALI SATIŞI
• Argentinada Messiyə xüsusi jest – Oyunlar 10-cu dəqiqədə dayandırılacaq
• Ançelotti "Real"ın düşərgəsini ziyarət etdi
• Bosniya futbolunda bir dövr başa çatır – Edin Cekonun son matçı
• Obameyanq hökumətin tənqidindən sonra millidən getdi – “Bu, son damla oldu”