28 aya cəmi 50 qol – “Sabah”dan
01.12.2020 - 15:32
![28 aya cəmi 50 qol – “Sabah”dan](https://apasport.az/storage/news/2020/december/01/big/1606822379658_K7zn0vpa.jpeg)
“Sabah” Premyer Liqada 50-ci qolunu vurub.
Apasport.az saytının məlumatına görə, yubiley XI turun “Keşlə” ilə oyununa (1:1) təsadüf edib.
Görüşün 60-cı dəqiqəsində hesabı açan Kevin Kubemba klub tarixinə yubiley qolunun müəllifi kimi düşüb.
“Sabah” 50-ci qolu Premyer Liqada keçirdiyi 59-cu matçda vurub. Bakılılar evdə 27, səfərdə 23 dəfə fərqlənib. Paytaxt təmsilçisi 2018/19 mövsümündə 20, 2019/20 mövsümündə 19, cari çempionatda 11 dəfə fərqlənib.
Qeyd edək ki, “Sabah”ın ilk qolunu Marko Deviç 2018-ci il avqustun 18-də “Keşlə” ilə matçda (1:0) vurub.
0
0