“Omoniya”da özümü böyük komandada oynamaq qədər şərəfli hiss edirəm”.
Apasport.az saytının məlumatına görə, bunu “Omoniya”nın futbolçusu Mikkel Diskerud Konfrans Liqasının qrup mərhələsində “Qarabağ”la Bakıda keçirilən oyundan sonra deyib.
31 yaşlı yarımmüdafiəçi V tur çərçivəsində baş tutan görüşlə bağlı fikirlərini bildirib. ABŞ millisinin sabiq üzvü qol şanslarını qaçırmalarına üzüldüyünü söyləyib: “Jordi Qomesin 90-cı dəqiqədə vurduğu bərabərlik qolu ilə sanki qələbə qazanmışıq. Bunu reallaşdırmağa yaxın olduq. Ancaq çox sayda qol şansı qaçırdıq. Bundan artığını edə bilərdik. Digər tərəfdən bütün fikrimizin çempionatda APOEL-lə matçda olduğunu da deməliyəm”.
Qeyd edək ki, Tofiq Bəhramov adına Respublika Stadionunda keçirilən görüş 2:2 hesabı ilə yekunlaşıb.
Oxşar xəbərlər
Ana səhifə
Bütün xəbərlər