Bu gün AFFA İntizam Komitəsinin növbəti iclası keçirilib.

Apasport.az saytının məlumatına görə, komitə aşağı yaş qrupu üzrə çempionatlarda, eləcə də futzal matçlarında baş vermiş neqativ halları müzakirə edib.

Gənclər Liqasının “Qarabağ” – “Sumqayıt” oyununda ikincilər limiti pozduğu üçün texniki məğlubiyyət (0:3) alıb.

U-17 Liqasının “Neftçi” PFK – “Neftçi” İK İB matçında qonaq komandanın baş məşqçisi Ramin Babayev, “Kəpəz” – “Qəbələ” qarşılaşmasında isə gəncəlilərin futbolçusu Nihad Qəribov hakimi təhqir etdiyinə diskvalifikasiyaya məruz qalıb. Babayev 5, Qəribov isə 4 matçı buraxmalı olacaq.

Eyni hal futzal üzrə ikinci liqada da yaşanıb. “Hövsan”la görüş bitdikdən sonra hakimləri təhqir edən “Zülfüqar”ın oyunçusu Vüsal Məmmədov 4 oyunda iştirak etməyəcək. Oyun yarımçıq dayandırıldığı üçün “Zülfüqar”a 0:5 hesablı məğlubiyyət verilib.
 

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər