Türkiyənin tanınmış idman şərhçisi Mehmet Demirkol “Beşiktaş”ın sabiq baş məşqçisi Abdullah Avcının Azərbaycan millisinə mümkün təyinatına münasibət bildirib.

Apasport.az saytının məlumatına görə, Dəmirkol təcrübəli mütəxəssisin yığmamızda uğur qazanacağına inanmır.

O bildirib ki, Avcı daha çox klubda işləməyə uyğun məşqçidir: “Abdullah Avcı sıfırdan komanda qurmağı xoşlayır. Yəni heyətini özü qurur. Onun milli komanda üçün yararlı olub-olmadığına əmin deyiləm. Çünki yaradıcı iş görməyi xoşlayır. Maliyyəsi yüksək və istədiyi futbolçu heyətini qura biləcəyi bir Avropa klubunda uğur qazana bilər. Ancaq bunun milli üçün keçərli olduğuna inanmıram”.

Qeyd edək ki, AFFA rəsmilərinin iki gün əvvəl Türkiyədə Abdullah Avcı ilə görüşdüyü bildirilir.
 

• "Beşiktaş"dan ayrıldı, Bolqarıstanda çıxış edəcək
• Çempionlar Liqası matçları bu kanallarda - TV AFİŞA
• Arda Gülərə UEFA-dan mükafat – Mövsümün ən yaxşısı
• “Milan”ın sabiq futbolçusu butslarını "mismardan asdı"
• Türkiyədə tarixi təyinat – 22 yaşlı qadın baş məşqçi oldu