“Sumqayıt” dövrələrarası fasilədə daha bir futbolçunun transferini açıqlayıb.

Apasport.az saytının məlumatına görə, “Gənclik şəhəri” təmsilçisi Araz Abdullayevi heyətinə cəlb edib.

Son komandası Kiprin “Etnikos” klubu olan yarımmüdafiəçi ilə 6 ay + 2 il şərti ilə müqavilə imzalanıb. Təcrübəli oyunçu “Sumqayıt”da "78" nömrəli formada çıxış edəcək.

Araz “Etnikos”da meydana çıxdığı 12 qarşılaşmada 3 məhsuldar ötürmə ilə yadda qalıb. 29 yaşlı yarımmüdafiəçi “Neftçi”, “Panionios”, “Qəbələ”, “Anortosis”, “Qarabağ” və “Boluspor” kimi klubların uğurları üçün də çalışıb. Abdullayev U-17, U-19, U-21 və əsas milli komandamızın şərəfini qoruyub.

Qeyd edək ki, bunadək Vüqar Bəybalayev və Elşən Abdullayev də “Sumqayıt”la müqavilə imzalayıb.

• Alvarez “Siti”yə qayıdır?
• Günün oyunları bu kanallarda - TV AFİŞA
• Cengiz ünder rəsmən “Çorum”da
• “Neftçi”dən ayrıldı - TÜRKİYƏDƏ OYNAYACAQ
• İngiltərədə klubunu dəyişdi - RƏSMİ