İngiltərə Premyer Liqasında noyabrın ən yaxşı futbolçusu və baş məşqçisi bəlli olub.

Apasport.az saytının məlumatına görə, yarışın təşkilatçıları 6 oyunçu və 4 çalışdırıcı arasında seçib aparıb.

“Mançester Yunayted”in yarımmüdafiəçisi Bruno Fernandeş ayın futbolçusu adına layiq görülüb. Portuqaliyalı 4 oyunda 4 qol, 1 assistlə buna yiyələnib. Fernandeş mükafat uğrunda Ben Kiluell (“Çelsi”), Cek Qriliş (“Aston Villa”), Pyerr-Emil Hoybyerq (“Tottenhem”), Angelo Oqbonna (“Vest Hem”) və Ceyms Uord-Prouseni (“Sauthempton”) qabaqlayıb.

“Tottenhem”in çalışdırıcısı Joze Mourinyo isə ən yaxşı baş məşqçi seçilib. Portuqaliyalı mütəxəssis həmkarları Frenk Lempard (“Çelsi”), David Moyes (“Vest Hem”) və Ole-Qunnar Sulşerdən (“Mançester Yunayted”) üstün olub. Onun rəhbərliyi altında londonlular ötən ay ərzində keçirdikləri 4 oyunun 3-də qələbə qazanıb, 1-də heç-heçə edib.

• “Arsenal”dan “Əl-Hilal”a - KLUB TARİXİNİN ƏN BAHALI SATIŞI
• Argentinada Messiyə xüsusi jest – Oyunlar 10-cu dəqiqədə dayandırılacaq
• Ançelotti "Real"ın düşərgəsini ziyarət etdi
• Bosniya futbolunda bir dövr başa çatır – Edin Cekonun son matçı
• Obameyanq hökumətin tənqidindən sonra millidən getdi – “Bu, son damla oldu”