İsveç millisinin sabiq futbolçusu Zlatan İbrahimoviçə daha bir klub elçi düşüb.

Apasport.az saytının məlumatına görə, İtaliyanın C seriyasında çıxış edən “Montsa” ulduz futbolçuya müqavilə təklif edib.

Bunu klub rəsmisi Adriano Qalliani deyib. O bildirib ki, skandinaviyalı hücumçuya 2,5 illik müqavilə təklif olunub: “Klub prezidenti Silvio Berluskoninin icazəsindən sonra futbolçunun meneceri ilə danışdım. O, birbaşa Zlatanla danışmağımı məsləhət gördü. Mən də hücumçuya dedim ki, komandamıza gəl, 2 ildən sonra A seriyasında olacağıq”.

Qeyd edək ki, ABŞ təmsilçisi “Los Anceles Qalaksi” ilə anlaşması ilin sonunda başa çatacaq Z.İbrahimoviçi digər İtaliya klubları “Milan”la “Napoli” də heyətində görmək istəyir.
 

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı