Türkiyə çempionu “Beşiktaş” Çempionlar Liqasında qrup mərhələsinə start verib.

Apasport.az saytının məlumatına görə, İstanbul təmsilçisi ilk oyununu öz meydanında keçirib.

“Vodafon Park”da Dortmund “Borussiya”sını qəbul edən Sərgən Yalçının yetirmələri qitənin ən nüfuzlu klub turnirinə uğursuz başlanğıc edib. Cüd Bellingemin 20-ci, Erlinq Halandın isə 45+3-cü dəqiqədə vurduğu qollar sayəsində almanlar səfərdə 2:1 hesablı qələbə qazanıb. Qardaş ölkə təmsilçisinin gücü 90+4-cü dəqiqədə Fransisko Montero ilə fərqi minimuma endirməyə çatıb.

C qrupunda yer alan “Beşiktaş” növbəti matçını sentyabrın 28-də Amsterdamda “Ayaks”a qarşı keçirəcək.

• Bredli Barkola rəsmən ”Liverpul”da
• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi