Almaniya çempionatının 3-cü liqasında XIX tur başlayıb.

Apasport.az saytının məlumatına görə, Azərbaycan millisinin futbolçusu Rüfət Dadaşovun şərəfini qoruduğu “Proyssen” öz meydanına “Maqdeburq”la görüşüb.

Start heyətində meydana çıxan təmsilçimiz 36-cı dəqiqədə hesabı açıb. İkinci hissədə daha bir dəfə fərqlənən meydan sahibləri 2:0 hesablı qələbə qazanıb.

Ardıcıl ikinci görüşdə fərqlənən R.Dadaşov mövsümdəki qol sayını 6-ya çatdırıb. O, bu matçı əvəzolunmadan keçirib.

Qeyd edək ki, 19 matçda 16 xal toplayan “Proyssen” 20 komanda arasında 18-cidir.