“Çelsi”nin sabiq futbolçusu Demba Ba futbolçu karyerası vaxtı başına gələn maraqlı bir hadisəni açıqlayıb.

Apasport.az saytının məlumatına görə, seneqallı keçmiş hücumçu 2011-ci ildə “Hoffenhaym”dan “Vest Hem”ə transfer olunduğu zaman klubun bazasına avtomobilin yük yerində yollandığını bildirib.

36 yaşlı mütəxəssis London klubunun tələbinə görə bu addıma əl atdığını deyib: “Klub keçid barədə jurnalistlərin bilmələrini istəmədi. Mən də onlarla razılaşdım. Bazaya gedərkən avtomobili dostum idarə etdi, özüm isə yük yerinə girdim. Yolboyu başım hər tərəfə dəyirdi”.

Qeyd edək ki, 2013/14 mövsümündə “Çelsi”nin formasını geyinən Demba Ba Avropa Liqasının qalibi olub.

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər