![Dünya çempionatında ilk finalçı dəqiqləşdi](https://apasport.az/storage/news/2019/december/18/big/1576620882245_ECm9azyY.jpeg)
Qətərdə keçirilən klublararası dünya çempionatında ilk finalçı bəlli olub.
Apasport.az saytının məlumatına görə, Braziliyanın “Flamenqo” komandası həlledici matçda iştirak hüququ qazanıb.
Libertadores kubokunun qalibi yarımfinalda “Əl-Hilal”ı (Səudiyyə Ərəbistanı) məğlub edib. Onlar 3:1 hesabı ilə qələbə qazanıblar.
“Flamenqo”nun rəqibi dekabrın 18-də keçiriləcək “Liverpul” (İngiltərə) - “Monterrey” (Meksika) qarşılaşmasında müəyyənləşəcək.
Dünya çempionatında 5-ci yer uğrunda matç da baş tutub. Bu oyunda yerli “Əl-Sədd”ə 6:2 hesabı ilə qalib gələn Tunis “Esperans”ı sonuncu olmaqdan qaçıb.
Klublararası dünya çempionatı
5-ci yer uğrunda
17 dekabr
“Əl-Sədd” (Qətər) – “Esperans” (Tunis) – 2:6
1/2 final
“Flamenqo” (Braziliya) - “Əl-Hilal” (Səudiyyə Ərəbistanı) – 3:1