Dünyanın ən yaxşı qapıçılarının siyahısı açıqlandı

28.11.2021 - 19:17

Beynəlxalq Futbol Tarixi və Statistikaları Federasiyası (İFFHS) dünyanın ən yaxşı qapıçılarının siyahısını açıqlayıb.

Apasport.az saytının məlumatına görə, qurum ölkələrdəki nümayəndələri arasında keçirdiyi səsvermədə ən çox xal toplayan 5 qolkiperin adını dərc edib.

Cədvələ İtaliya millisi ilə Avropa çempionu olan Canluici Donnarumma başçılıq edir. Bu yay “Milan”ı PSJ-yə dəyişən qapıçı dörd ən yaxın izləyicisinin topladığı xalların cəmindən çox səs yığıb.

Dünyanın 5 ən yaxşı qapıçısı
1. Canluici Donnarumma (İtaliya, “Milan”/PSJ) – 170
2. Manuel Noyer (Almaniya, “Bavariya”) – 75
3. Eduar Mendi (Seneqal, “Çelsi”) – 40
4. Emiliano Martines (Argentina, “Aston Villa”) – 25
5. Yan Oblak (Sloveniya, “Atletiko”) – 20