Ekvadorlu forvard Edson Montananın "Qarabağ"a keçidi baş tutmayacaq. 

Apasport.az saytının məlumatına görə, ölkəsində “Aukas” klubunun formasını geyinən 28 yaşlı futbolçunun durumu məşqçilər korpusunu qane etməyib. 

Onlar ilkin baxışda forvard haqda müsbət fikirdə olsalar da, sonda fikirlərini dəyişiblər. "Qarabağ"ın məşqçilər korpusu “ikinci mərtəbədə”ki oyunu ilə diqqət çəkən cənubi amerikalı haqda müsbət rəy verməyiblər və keçid reallaşmayıb. 

Qeyd edək ki, Edson karyerası ərzində “Barselona”, “El Nasyonal”, “Klan Yuvenil” (hamısı Ekvador), “Nyukasl Yunayted Jets” (Avstraliya) və “Gent” (Belçika) klublarında oynayıb. Ölkəsinin U-20 komandasında 13 matça 5 qol vuran futbolçu əsas yığmada 4 oyuna çıxıb. 

• Türkiyə Kuboku: “Beşiktaş” və “Başakşəhər"dən qalibiyyət
• Deyvis “Bavariya” ilə yola davam edəcək
• “Çelsi”nin müdafiəçisi “Kristal Pelas”da - rəsmi
• Niko Qonzales “Mançester Siti”də - Rəsmi
• "Bavariya"dan "Tottenhem"ə - rəsmi