İspaniyanın “Barselona” klubunda baş məşqçi dəyişikliyi rəsmiləşib. 

Apasport.az saytının məlumatına görə, Kataloniya təmsilçisi çalışdırıcısı Ernesto Valverde ilə vidalaşıb.

Onun əvəzinə artıq yeni baş məşqçi də təsdiqlənib. “Barselona” 61 yaşlı Kike Setyenə həvalə olunub. “Betis”in sabiq çalışdırıcısı ilə 2022-ci il iyunun 30-dək müqavilə imzalanıb. 

Bu gün onun rəsmi təqdimatı olacaq. 

Qeyd edək ki, 2017-ci ildən “Barselona”nın “sükanı arxası”nda olan Valverde komandanı 163 rəsmi matça çıxarıb. O, bunlardan 108-də (66 faiz) qələbə qazanıb, 35-də heç-heçə (22) edib və 20-də (12) məğlub olub. 

“Barselona” La Liqada 19 turdan sonra 40 xalla birinci pillədədir. 

• Omar Marmuş "Mançester Siti"də - RƏSMİ
• “Barselona” futbolçusu ilə yeni müqavilə imzalayacaq
• Qrinvud İngiltərə millisindən imtina edib
• "Lion"un baş məşqçisi: "Mourinyoya heyranam"
• Qvardiola: "Çempionlar Liqasından kənarda qala bilərik"