Şimali İrlandiya Kubokunun 1/8 final mərhələsində keçirilən "Uorrenpoint" - "Ballimena" oyununda insident yaşanıb.

Apasport.az saytının məlumatına görə, qonaqların 2:1 hesabı ilə qalib gəldiyi görüşdən dərhal sonra meydan sahiblərinin qapıçısı ilə yerli fanatlardan biri arasında dava düşüb.

Son dəqiqələrdə buraxılan qola üzülən qapı arxasındakı fanatlardan biri qolkiperi təhqir edib. Buna dözməyən çərçivə qoruyucusu azarkeşlər tərəfə qaçaraq onunla əlbəyaxa olub. Onları azarkeşlər və digər futbolçular çətinliklə ayırıblar. Dava zamanı reklam lövhəsi aşıb.

Hadisəni sosial şəbəkə vasitəsilə müzakirə edən azarkeşlər günahın qapıçıda olmadığını yazıblar.

• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək
• Çempionlar Liqası matçları bu kanallarda - TV AFİŞA
• Arda Gülərə UEFA-dan mükafat – Mövsümün ən yaxşısı