"Leypsiq"in hücumçusu Timo Verner komandasını dəyişmək niyyətindədir.

Apasport.az saytının məlumatına görə, 23 yaşlı forvard daha iddialı komandada oynamağı planlaşdırır.

Bunu Almaniya yığmasının üzvü özü etiraf edib: "23 yaşında bir mövsümdə 20 qol vurursansa, səninlə maraqlananların olması normaldır. Çempionlar Liqasını qazanmağı hədəfləyən bir klubdan təklif olduqda sən özün ora keçməkdə maraqlı olursan. Yəqin ki, bütün futbolçular belə düşünürlər. Mənim də legioner olmaq xəyalım var. Ancaq konkret hansısa komandada oynamaq barədə düşünməmişəm. Məsələn, İngiltərə Premyer Liqasına yollanmağı çox istərdim. Amma digər ölkələrdən gələcək ambisiyalı təklifə də "yox" demərəm".

Qeyd edək ki, Timo Vernerin "Leypsiq"lə müqavilə müddəti 2023-cü ilin yayına qədərdir.
 

• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək
• Çempionlar Liqası matçları bu kanallarda - TV AFİŞA
• Arda Gülərə UEFA-dan mükafat – Mövsümün ən yaxşısı