“Bursaspor” “Neftçi”nin hücumçusu Namik Ələskərovun transferində israrını davam etdirir.

Apasport.az saytının Türkiyə mətbuatına istinadən məlumatına görə, TFF I liqa klubu Azərbaycan çempionuna rəsmi təklifini göndərib.

Bursalılar 26 yaşlı oyunçunun müqaviləsindəki “50 min avroya sərbəst qala bilər” maddəsindən yararlanıb, “ağ-qaralar”a məhz həmin məbləği təklif edib. “Neftçi” rəhbərliyi isə qərarını Avropa Liqasının III təsnifat mərhələsində HİK-lə keçiriləcək cavab matçından sonra verəcək.

Komandanın avrokuboklardakı yol xəritəsi Namikin də taleyinə aydınlıq gətirməkdə mühüm rol oynayacaq. “Neftçi” Finlandiya klubunu keçə bilməsə, o zaman əsas qolçusunu “Bursaspor”a satmaq barədə düşünə bilər. Çünki futbolçu özü bu transferdə maraqlıdır.

“Neftçi” ilə HİK arasında cavab görüşü avqustun 12-də Helsinkidə keçiriləcək. İlk matçda 2:2 hesabı qeydə alınıb.

Qeyd edək ki, “Bursaspor” son olaraq Azərbaycan millisinin sabiq müdafiəçisi Ufuk Budakı heyətinə qatıb.
 

• "Qalatasaray" Kamavinqaya elçi düşdü: 35 MİLYON AVRO
• Deniz Güllə razılıq əldə olundu - RƏSMİ
• “Real” Kamavinqa üçün qiymət qoydu – 70 milyon avro
• Talişka “Fənərbaxça”dan ayrılır – “Onu alqışlarla yola salacağıq”
• Ritsu Doan Səudiyyə Ərəbistanına getmədi – 17 milyon avroluq transfer son anda baş tutmadı