Azərbaycan Premyer Liqasının arxada qalan 4 turunda ən çox futbolçudan yararlanan klub bəlli olub.

Apasport.az saytının məlumatına görə, bu göstəricidə lider “Neftçi”dir.

Son çempion 4 oyunda 22 futbolçudan istifadə edib. Samir Abasov həm də daha çox – 11 legionerdən yararlanan baş məşqçidir. Bakılılar həm əcnəbi, həm yerlilərdən ibarət “11-liy”ə şans verib.

Ən az oyunçusu olanlar isə çempionatın əks qütblərində qərarlaşan komandalardır. Lider “Qəbələ” və autsayder “Keşlə”nin hərəsində cəmi 17 oyunçu meydana çıxıb.

Sonuncular həm də yerli futbolçu sarıdan korluq çəkir. Paytaxt təmsilçisi cəmi 10 azərbaycanlı futbolçuya güvənib.

“Səbail”lə “Sumqayıt”da isə yerlilər daha çoxdur. Bu komandalar hərəyə 16 azərbaycanlı oyunçuya güvənib.

Qeyd edək ki, 4 turun 16 oyununda 152 futbolçu şans qazanıb. Onlardan 98-i yerli, 54-ü legionerdir. Coşqun Diniyev isə artıq iki komandada forma geyinməyə imkan tapıb.

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər