“Keşlə” klubunun koordinatoru Ramiz Məmmədovla maraqlanan İran klubunun adı müəyyənləşib.

Apasport.az saytının əldə etdiyi məlumata görə, 52 yaşlı mütəxəssis yüksək liqa təmsilçisi “Saypa” ilə danışıq aparır.

Tərəflər arasında hətta ilkin razılıq da əldə olunub. Hələ ötən il “Saypa”nın prezidenti Reza Darviş Bakıya gələrək, Məmmədovla görüşüb. Ancaq komandanın ardıcıl qələbələr qazanması baş məşqçinin postunda qalmasına səbəb olub. Ardından gücləndirilmiş karantin səbəbindən beynəlxalq uçuşların dayandırılması baş məşqçi dəyişikliyini yubadıb.

Yenidən bu məsələ gündəmə gəlib. Tərəflər əvvəlki şərtlərlə razılıq əldə ediblər. Ramiz Məmmədov hətta köməkçilərini də müəyyənləşdirib. O, İrana gedəcəyi təqdirdə Mehman Baxışov, Kənan Kərimov və Elxan Abdullayevi də özü ilə aparacaq. Hətta gürcüstanlı Badri Kvaratsxeliyanın da məşqçi korpusuna cəlb olunması istisna deyil.

Qeyd edək ki, “Saypa” İran çempionatında 7 turdan sonra 8 xalla turnir cədvəlinin 11-ci pilləsində qərarlaşıb.
 

• “Arsenal”dan “Əl-Hilal”a - KLUB TARİXİNİN ƏN BAHALI SATIŞI
• Argentinada Messiyə xüsusi jest – Oyunlar 10-cu dəqiqədə dayandırılacaq
• Ançelotti "Real"ın düşərgəsini ziyarət etdi
• Bosniya futbolunda bir dövr başa çatır – Edin Cekonun son matçı
• Obameyanq hökumətin tənqidindən sonra millidən getdi – “Bu, son damla oldu”