"Qarabağ" transfer dönəminin son günündə daha bir futbolçusu ilə yollarını ayırıb.

Apasport.az saytının məlumatına görə, ispaniyalı yarımmüdafiəçi Dani Kintana Ağdam klubu ilə sağollaşıb.

Müqavilə müddəti mövsümün sonuna qədər olan Dani bu gün komanda ilə son məşqinə çıxıb. Futbolçular məşq zamanı 33 yaşlı oyunçunu havaya atıb-tutaraq, onunla təmtəraqlı şəkildə vidalaşıblar. 

Hücumameyilli oyunçu Çinin "Çenqdu Better Siti" klubuna transfer olunub və tibbi yoxlanışdan keçmək üçün bu gün yeni komandasının Tailandda davam edən düşərgəsinə yollanacaq.

2015-ci ildə "Qarabağ"a keçən Kintana 146 matçda meydanda olub, 42 qol və 23 məhsuldar ötürmə ilə yadda qalıb. 

Qeyd edək ki, "Qarabağ" qış fasiləsində bundan əvvəl Simeon Slavçev, Asmir Beqoviç və Riçard Almeyda ilə yollarını ayırmışdı.

• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək
• Çempionlar Liqası matçları bu kanallarda - TV AFİŞA
• Arda Gülərə UEFA-dan mükafat – Mövsümün ən yaxşısı