Koronavirusa yoluxma – daha bir Türkiyə klubunda

04.11.2020 - 23:23

Türkiyənin daha bir yüksək liqa klubu “Antalyaspor”un futbolçusu koronavirus infeksiyasına yoluxub.

Apasport.az xəbər verir ki, bu barədə Super Liqa təmsilçisi rəsmi saytı vasitəsilə məlumat yayıb.

Bildirilib ki, kollektivdən götürülən testin nəticəsi bir oyunçuda pozitiv çıxıb. Adı açıqlanmayan həmin futbolçu karantinə alınıb.

Qeyd edək ki, bu gün “Yeni Malatyaspor” da bir oyunçusunun koronavirusa yoluxduğunu açıqlayıb.