İtaliya millisinin futbolçusu Corco Kyellini “Yuventus”u tərk etməyi planlaşdırır.

Apasport.az saytının məlumatına görə, müqaviləsi 2023-cü ilin yayında başa çatacaq müdafiəçi mövsümün sonunda Turindən ayrılmaq niyyətindədir.

Anlaşmasını ötən yay uzadan Kyellininin fikrini dəyişməsinə İtaliya yığmasının DÇ-2022-yə çıxmaması səbəb olub. 37 yaşlı veteran bu üzdən də ABŞ-a köçmək fikrindədir.

O, həm MLS-də çıxış etmək, həm də menecer təcrübəsi qazanmaq əzmindədir. Müdafiəçi gələcəkdə “Yuventus”un rəhbərliyində yer almaq üçün bu təcrübəni zəruri sayır.

Qeyd edək ki, Kyellini 2005-ci ildən Turin təmsilçisində oynayır.

• Suzuki uğrunda yarış: PSJ və "Yuventus"
• "Arsenal"dan Vinisiusa rekord təklif – Bütün imkanlar səfərbərdir
• "Türkiyənin ən böyük klubu bizik" – İlkay Gündoğandan iddialı açıqlamalar
• "Qalatasaray" Reyndersi izləyir – "Mançester Siti" bu halda buraxacaq
• Kastro "Roma"ya, Dovbik "Bolonya"ya: 35 milyonluq transfer