Azərbaycan millisinin DÇ-2022-nin seçmə mərhələsində keçirəcəyi daha iki oyunun yeri və vaxtı dəqiqləşib.

Apasport.az saytının məlumatına görə, bunlar millimizin seçmə mərhələdə növbəti və sonuncu matçlarıdır.

Hər iki görüş Lüksemburqa qarşı olacaq. Sentyabrın 1-dəki qarşılaşma Lüksemburq şəhərindəki “Stad de Lüksemburq”da baş tutacaq. Görüş Bakı vaxtı ilə saat 22:45-də başlayacaq.

Noyabrın 11-də təşkil olunacaq oyuna isə Bakı Olimpiya Stadionu ev sahibliyi edəcək. Matç 21:00-da başlayacaq.

Qeyd edək ki, tsikldə keçiriləcək digər dörd qarşılaşmanın yeri və vaxtı öncədən bəlli idi. Sentyabrın 4-də İrlandiya ilə görüş Dublindəki “Aviva” stadionunda, üç gün sonra eyni saatdakı Portuqaliya ilə, oktyabrın 9-da İrlandiya ilə qarşılaşmalar Bakı Olimpiya Stadionunda keçiriləcək. Hər üç oyun saat 20:00-da başlayacaq. Serbiya ilə qarşılaşma isə oktyabrın 12-də Belqraddakı Rayko Mitiç stadionunda keçiriləcək və 22:45-də start götürəcək.
 

• “Feyenord” tribunalarında "istefa" səsləri: Van Persinin taleyi sual altındadır
• "Çelsi" və "Arsenal" "Yuventus"un ulduzu ilə danışıqlar aparır
• “Samsunspor” “Maynts”a uduzdu, KL-də günün nəticələri - YENİLƏNİB
• İtaliya Superkuboku: “Napoli” finalda
• Türkiyə Kuboku: “Qalatasaray”dan minimalhesablı qələbə