Polşa Ekstraklasasında XI turun ən uğursuz futbolçularından ibarət simvolik komandası açıqlanıb.

Apasport.az saytının məlumatına görə, “Weszlo” nəşrinin hazırladığı rəmzi “11-lik”də “Legiya”nın azərbaycanlı hücumçusu Mahir Emreli də yer alıb.

24 yaşlı forvard geridə qalan turda “Lex”ə 0:1 hesabı ilə məğlub olduqları matçda start heyətində meydana girsə də, 65-ci dəqiqədə əvəzlənib. Emreli uğursuz “11-liy”ə düşən yeganə “Legiya”lı kimi diqqət çəkib.

Maraqlıdır ki, zəiflərdən ibarət simvolik komandanın hücum xəttində millimizin üzvünə “Qurnik”də çıxış edən Almaniya millisinin keçmiş oyunçusu Lukas Podolski tərəfdaşlıq edib.

Qeyd edək ki, Mahir Emreli bu mövsüm “Legiya”nın heyətində bütün turnirlərdə keçirdiyi 20 oyunda 10 qol vurub, 1 məhsuldar ötürmə verib. O, Polşa çempionatında isə 8 görüşdə 2 dəfə fərqlənib.
 

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər