Azərbaycan millisinin hücumçusu Mahir Emreli Polşa Ekstraklasasının XII turunda “Pyast”la səfər matçının antiqəhrəmanı seçilib.

Apasport.az saytının məlumatına görə, yerli mətbuat “Legiya”nın forvardını qarşılaşmanın ən zəifi seçib.

24 yaşlı futbolçu, xüsusən də, 3-cü dəqiqədə bir epizodda ardıcıl iki dəfə topu dirəyə vurmaqla antiqəhrəman adına “layiq görülüb”: “Son vaxtlar onun üçün ölümcül keçir. “Lex”lə matçda da şansları boşa vermişdi. Bu dəfə isə bir epizodda “Pyast”ın hər iki dirəyini silkələdi. Həmin vaxt qolu vura bilsəydi, nəticə başqa cür olardı. Emreli ikinci hissədə də dirəyi nişan aldı. Qaçırılan şansların cavabı isə ağır oldu”.

Qeyd edək ki, “Legiya”nın Qlivitsedə “Pyast”a 1:4 hesabı ilə məğlub olduğu görüşdə Mahir Emreli 90 dəqiqə meydanda qalıb.
 

• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər
• “Çorum”dan səs-küylü transfer – Moukoko Türkiyəyə gəlir