DÇ-2022-nin Cənubi Amerika zonası üzrə seçmə mərhələsinin XI turunda Uruqvayı qəbul edən Argentina millisi 3:0 hesablı qələbə qazanıb.

Apasport.az saytının məlumatına görə, bu matçda ilk qolun müəllifi olan Lionel Messi dünya çempionatlarının seçmə mərhələlərində qol sayını 27-yə çatdırıb.

34 yaşlı superulduz bununla bombardirlər yarışında 5-ci pilləni bölüşən Robert Levandovski (Polşa) və Kazuyesi Miuroya (Yaponiya) çatıb. DÇ-nin seçmə mərhələləri tarixinin ən məhsuldar oyunçusu isə 39 topla qvatemalalı Karlos Ruizdir. İlk "dördlüy"ün digər sakinləri müvafiq olaraq Əli Dai (İran - 35 qol), Kriştiano Ronaldo (Portuqaliya - 33) və Kərim Baqeridir (İran - 28).

Qeyd edək ki, DÇ-2022-nin Cənubi Amerika zonası üzrə seçmə mərhələsində 6 qola imza atan Lionel Messi bombardirlər yarışında braziliyalı Neymarla birlikdə ikinci pillədədir. Ən məhsuldar oyunçu Marsel Morenonun (Boliviya) aktivində 8 top var.

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər