Argentina millisinin kapitanı Lionel Messiyə “Barselona”dan ismarıc göndərilib.

Apasport.az saytının məlumatına görə, İspaniya təmsilçisi müqavilə müddəti başa çatan və hazırda azad agent statusu daşıyan 34 yaşlı futbolçunu bazaya çağırıb.

Klub rəhbərliyi Leonun avqustun 2-dən kollektivlə birlikdə məşqlərə qatılmasını istəyib. Kataloniyalılar həmin vaxta qədər onunla yeni müqavilə imzalamağı planlaşdırır. Messi ilə yanaşı, milli komandaları ilə Amerika kubokuna qatılan argentinalı Serxio Aquero və braziliyalı Emerson da həmin gün məşqlərə qoşulacaq.

Qeyd edək ki, “Barselona” ilə Lionel Messi yeni 5 illik müqavilə imzalanması ilə bağlı ilkin razılıq əldə edib.
 

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu