İngiltərənin “Mançester Siti” klubunun futbolçusu Emerik Laport İspaniya vətəndaşlığı alıb.

Apasport.az saytının məlumatına görə, 26 yaşlı müdafiəçinin milliləşdirilməsi Nazirlər şurası tərəfindən təsdiqlənib.

Bunun təşəbbüskarı İspaniya millisinin baş məşqçisi Luis Enrike olub. Mütəxəssis ölkənin futbol federasiyasından milliləşmə ilə bağlı xahiş edib.

Nəticədə Laport İspaniya vətəndaşlığı alıb. Müdafiəçi artıq AVRO-2020-də İspaniya yığmasının şərəfini qoruya biləcək.

Qeyd edək ki, bask əsilli müdafiəçi Fransanın gənclər yığmasında 19 oyun keçirsə də, əsas komandaya düşə bilməyib.
 

• Flik almaniyalı futbolçunu heyətində görmək istəyir
• Xviçanın yeni müqaviləsinin detalları bəlli olub
• “İnter”in yeni transfer hədəfi
• Mehmet Topal istefaya göndərilib
• "Başakşehir"dən yeni transfer - RƏSMİ