17 yaşadək qadınlardan ibarət Azərbaycan milli komandası növbəti oyununu keçirib. 

Apasport.az saytının məlumatına görə, yığmamız Avropa çempionatının seçmə mərhələsində son görüşünə çıxıb.

Albaniyanın Elbasan şəhərində keçirilən oyunda komandamız albaniyalı yaşıdları ilə qarşılaşıb. Məhsuldar keçən qarşılaşma 3:3 hesablı heç-heçə ilə nəticələnib.

Şəkər Piriyevanın dubl etdiyi oyunda millimizin digər qolunu Sumeyra Kəsməz vurub. Millimizin heyətində Lalə Abbaszadə 20-ci dəqiqədə qırmızı vərəqə alaraq meydanı vaxtından əvvəl tərk edib.

Qeyd edək ki, ilk oyunda Monteneqroya 1:6 hesabı ilə uduzan millimiz üç komandalı qrupda 2-ci olub.

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər