İngiltərənin “Arsenal” klubunun yarımmüdafiəçisi Məsut Özil Türkiyəyə yollana bilər.

Apasport.az xəbər verir ki, bu barədə 32 yaşlı futbolçunun meneceri Erkut Söyüt məlumat verib.

O, Almaniya millisinin sabiq üzvünün mövsümün sonunda “Fənərbaxça”ya keçə biləcəyini istisna etməyib: “Məsutun “Arsenal”la hələ 6 aylıq müqaviləsi var. Futboldan ötrü çox darıxıb. Hazırda “Arsenal”ın formasını yenidən geyinmək üçün çox çalışır. Dünyanın hər yerindən təkliflərimiz var. Məsələn, “Fənərbaxça” ilə danışığımız olub. Klubun rəhbər şəxsləri ilə üzbəüz söhbət etmişəm. Ancaq rəsmi danışıq üçün yanvarı gözləməliyik. Görünən odur ki, futbolçu mövsümü “Arsenal”da başa vuracaq”.

Qeyd edək ki, Məsut Özillə maraqlanan klublar arasında MLS təmsilçiləri “İnter Mayami”, “Di Si Yunayted” və “Los Anceles Qalaksi” də var.
 

• “Arsenal”dan “Əl-Hilal”a - KLUB TARİXİNİN ƏN BAHALI SATIŞI
• Argentinada Messiyə xüsusi jest – Oyunlar 10-cu dəqiqədə dayandırılacaq
• Ançelotti "Real"ın düşərgəsini ziyarət etdi
• Bosniya futbolunda bir dövr başa çatır – Edin Cekonun son matçı
• Obameyanq hökumətin tənqidindən sonra millidən getdi – “Bu, son damla oldu”