Çempionlar Liqasının qrup mərhələsinin III turunda öz meydanında “Leypsiq”lə qarşılaşacaq PSJ ciddi itki ilə üzləşib.

Apasport.az saytının məlumatına görə, Paris təmsilçisi sabahkı görüşdə aparıcı futbolçusu Neymarın xidmətindən məhrum olacağını açıqlayıb.

Buna səbəb hücumçunun Braziliya millisinin düşərgəsindən qayıtdıqdan sonra qasıq nahiyəsində ağrılar hiss etməsi olub. Həkimlər onun müayinə olunmasının vacibliyini vurğulayıb. Bu səbəbdən Neymar bir neçə gün kollektivdən ayrı hazırlaşacaq.

Neymarla yanaşı, Argentina yığmasının heyətində zədələnən yarımmüdafiəçi Leandro Paredes və çoxdandır zədədən əziyyət çəkən müdafiəçi Serxio Ramos da “Leypsiq”lə görüşdə məşqçilər korpusunun sərəncamında olmayacaq.
 

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər