“Sportinq”in futbolçusu Rodriqo Ribeyro Çempionlar Liqasının 1/8 final mərhələsinin “Mançester Siti” ilə cavab oyununda (0:0) tarixə düşüb.

Apasport.az saytının məlumatına görə, 16 yaşlı portuqaliyalı hücumçu “Etihad” stadionunda keçirilən görüşün 89-cu dəqiqəsində əvəzetmədən meydana daxil olmaqla buna nail olub.

Bununla Ribeyro turnirin pley-off mərhələsində iştirak edən ən gənc oyunçu olub. 16 yaş 315 günlüyündə bu həyəcanı yaşayan forvard 17 yaşına çatmamış pley-offda iştirak edən ilk futbolçu olmağı bacarıb.

Ancaq Rodriqo ÇL-də mübarizə aparan ən gənc oyunçu deyil. Çünki Yusuf Mukoko 2020-ci ildə 16 yaş 18 günlüyündə Dortmund “Borussiya”sının heyətində qrup mərhələsində debüt edib.

Qeyd edək ki, səfərdə qolsuz bərabərliyə baxmayaraq, ilk görüşdə öz meydanında “Mançester Siti”yə 0:5 hesabı ilə uduzan “Sportinq” avrokuboklarla vidalaşıb.
 

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu