“Mançester Yunayted”in yarımmüdafiəçisi Pol Poqba gələcəyi ilə bağlı qərarını açıqlayıb.

Apasport.az saytının məlumatına görə, bir müddət əvvəl komandadan ayrılmaq istəyən Fransa millisinin üzvü fikrini dəyişib.

O, Kriştiano Ronaldonun gəlişindən sonra “mankunianlar”da çıxış etmək arzusunu dilə gətirib: “Mançester Yunayted”də oynamağı sevirəm. Ronaldo xüsusi futbolçudur. O, dünyanın ən yaxşılarından biridir və onunla oynamaqdan zövq alıram”.

Onun mövsümün sonuna qədər olan müqavilə müddətini yeniləməsi gözlənilir. Klub bununla bağlı danışıqları intensivləşdirib.

Qeyd edək ki, Pol Poqba 2016-cı ildən “Mançester Yunayted”in formasını geyinir.
 

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər